Mijëra punëtorë, studentë, pensionistë në Athinë dhe dhjetëra qytete të Greqisë kanë protestuar nën sloganin «Jo buxhetit të ri antipopullor - Luftë për nevojat bashkëkohore të popullit», duke shprehur kundërshtimin e tyre ndaj buxhetit të shtetit të partisë Demokracia e Re (ND), që shkatërron edhe më tej të drejtat punëtore dhe popullore në sigurimet shoqërore, paga, në arsim dhe në shëndetësi.

Pas thirrjes që bëri Fronti Militant Mbar-punëtorë (P.A.ME), dhjetëra sindikata dhe organizata të tjera popullore u mblodhën në sheshin Propilea të Athinës dhe më pas marshuan drejt Parlamentit ku po zhvillohej votimi i buxhetit të shtetit.

Në tubimet e protestave gjithashtu, u shprehin solidariteti i punëtorëve grekë ndaj kolegëve të tyre francezë dhe ndaj grevave të mëdha që po bëhen në Francë këto ditë.

Në tubim morri pjesë edhe Sekretari i Përgjithshëm i KQ të Partisë Komuniste të Greqisë (KKE), Dhimitri Kucuba i cili deklaroi për mediat se:

 «Bashkë me luftën që po zhvillojmë brenda në Parlament kundër buxhetit të ri antipopullor, forcojmë dhe luftën në rrugët e Athinës, në rrugët e të gjithë Greqisë, dhe kjo luftë duhet të vazhdojë që nga nesër dhe në muajt që vijnë, sepse 2020 parashikohet shumë e zymtë për të gjitha çështjet».

19.12.2019